Olmazor tumanida "Qichqiriq" mahallasi — Qoraqamish 1/3 — hududidan Talabalar shaharchasigacha — odamlar uchun qulay va zamonaviy muhit yaratilgan.

📍 Qoraqamish 1/3 hududida 2,4 km uzunlikdagi eko-sayilgoh, 12,4 km piyodalar yo‘lagi va 10,6 ming kv. metrdan ortiq yashil hudud aholining kundalik dam olishi va sayr qilishi uchun xizmat qilmoqda.

🏀 Bu yerda 8 ta workout zonasi, 5 ta bolalar maydonchasi, 84 ta kuzatuv kamerasi va 100 ta zamonaviy yoritish tizimi mavjud. Tadbirkorlik subyektlari soni esa 29 tadan 47 taga yetgan.

🖥 Talabalar shaharchasida 17 ta axborot tizimi bilan integratsiyalashgan Vaziyatlar markazi faoliyat yuritmoqda. U 5 ta oliy ta’lim muassasasi va 41 ta talabalar turar joyini qamrab olib, 75 ming nafar talaba, jumladan, yotoqxonalarda yashovchi 17,5 ming yoshning xavfsizligi va qulayligi uchun xizmat qiladi.

🌳🌳 Shuningdek, 880 metrlik “Yangi O‘zbekiston bunyodkorlari” alleyasida 7 ta tematik bog‘ va yangi xizmat ko‘rsatish nuqtalari tashkil etilgan.