Turizm va media sohasida hamkorlik imkoniyatlari muhokama qilindi

Toshkent shahar hokimi o‘rinbosari Sanjar Tadjiev hamda Xitoy Xalq Respublikasining Sichuan provinsiyasi Tashqi ishlar boshqarmasi direktori o‘rinbosari Li Xuaysyan boshchiligidagi delegatsiyasi o'rtasida uchrashuv bo'lib o'tdi.

Delegatsiya tarkibida turizm va OAV sohasi vakillari bo‘lib, uchrashuvda ikki tomonlama hamkorlikni rivojlantirish, madaniy va media loyihalarda hamkorlik qilish,  tajriba almashish va Toshkent turizm salohiyatini Xitoy bozorida targ‘ib qilish masalalari muhokama qilindi.

Sanjar Tadjiev hududlararo aloqalarni mustahkamlash muhimligini qayd etib, bunday tashriflar xalqlar o‘rtasidagi do‘stlik va ishbilarmonlikni rivojlantirishga xizmat qilishini alohida ta’kidladi.

Delegatsiya shuningdek, Milliy teleradiokompaniya rahbariyati bilan uchrashdi hamda qo‘shma media loyihalar istiqbollari muhokama qilindi.