🧠 Ўзбекистон Республикаси Президенти ҳузуридаги Ижтимоий ҳимоя миллий агентлиги Тошкент шаҳар бошқармаси томонидан аутсорсинг хизматларини харид қилиш бўйича энг яхши таклифларни танлаш эълон қилинади.

😮 Харид предмети:

Агентлик тизимидаги ихтисослаштирилган мактабларда тарбияланувчилар учун сифатли ва хавфсиз овқатланишни аутсорсинг асосида ташкил этиш хизмати.

😮 Харид тури: Энг яхши таклифлар танлови. Агентлик тизимидаги мактаблар қуйидагилар: 36, 199-сонли Ихтисослаштирилган мактаблар;

✅ Иштирокчиларга қўйиладиган талаблар:

😮 Ўзбекистон Республикаси ҳудудида давлат рўйхатидан ўтган бўлиши;

😮 Солиқ ва бошқа мажбурий тўловлардан қарздорлиги мавжуд эмаслиги;

😮 Овқатланишни ташкил этиш соҳасида тегишли тажриба, малакали ходимлар ҳамда зарур моддий-техник имкониятларга эга бўлиши;

😮 Озиқ-овқат маҳсулотларининг сифати ва хавфсизлигини таъминлаш, санитария талабларига риоя этиш имкониятига эга бўлиши;

😮 Хизматларни барқарор ва узлуксиз ташкил этиш учун етарли молиявий имкониятларга эга бўлиши.

🖋 Тақдим этиладиган ҳужжатлар:

😮 Давлат рўйхатидан ўтганлик тўғрисидаги гувоҳнома нусхаси;

😮 СТИР ва банк реквизитлари;

😮 Солиқ қарздорлиги мавжуд эмаслиги тўғрисидаги маълумот;

😮 Тижорат таклифи, шу жумладан хизмат кўрсатиш учун таклиф этилаётган устама ҳақи миқдори;

😮 Камида уч ойлик хизмат кўрсатиш қийматини қоплаш имконини берувчи айланма маблағлар мавжудлигини тасдиқловчи маълумотлар;

😮 Аутсорсинг хизматларини кўрсатиш бўйича мавжуд тажриба тўғрисидаги маълумотлар;

😮 Овқатланишни ташкил этиш учун мавжуд моддий-техник база, транспорт воситалари, ускуналар ва ходимлар тўғрисидаги маълумотлар;

😮 Тавсия этилаётган таомнома, овқатланиш сифати ва хавфсизлигини таъминлаш бўйича маълумотлар;

😮 Шартнома доирасида камида 1 фоиз миқдорида инвестиция киритиш мажбуриятини қабул қилиш тўғрисидаги розилик;

😮 Фаолият хусусиятидан келиб чиқиб бошқа тасдиқловчи ҳужжатлар.

❗️ Таклифларни тақдим этиш тартиби: Белгиланган муддатга қадар ёпиқ конвертда тақдим этилади.

❗️ Таклифларни қабул қилиш муддати: 2026-йил 27-август куни соат 13:00 га қадар.

🇺🇿 Манзил: Тошкент шаҳри, Миробод тумани, Янги замон 3-тор, 1-уй.

↗️ Баҳолаш мезонлари: Иштирокчининг молиявий барқарорлиги, мазкур йўналишдаги тажрибаси, моддий-техник ва кадрлар салоҳияти, таклиф этилаётган овқатланиш сифати ва хавфсизлиги, шунингдек хизматларни барқарор ташкил этиш имкониятлари комплекс равишда инобатга олинади.

📞 Алоқа учун: 955004707 955074707

🤝 Мазкур танлов жараёни очиқлик, шаффофлик ва тенг рақобат тамойиллари асосида амалга оширилади.