💲 Бугунги кунда коррупцияга қарши курашиш давлат сиёсатининг устувор йўналишларидан бири ҳисобланади. Шу муносабат билан, «Тошкент шаҳар электр тармоқлари» МЧЖ тасарруфидаги Мирзо Улуғбек туман электр таъминоти корхонасида “Коррупция — келажак кушандаси” мавзусида давра суҳбати ташкил этилди.

✅ Мазкур тадбирда жамиятнинг Коррупцияга қарши курашиш ва комплаенс-назорат бўлими раҳбари О.О.Ў. Яхшиев ҳамда туман электр таъминоти корхонасининг мутахассислари ва ишчи-ходимлари иштирок этдилар.

💠 Давра суҳбати давомида коррупциянинг жамият тараққиётига салбий таъсири, амалдаги қонунчиликда белгиланган жавобгарлик чоралари, шунингдек, ушбу иллатнинг олдини олиш ва унга қарши курашишнинг самарали механизмлари атрофлича муҳокама қилинди.

🔴 Шунингдек, тадбир жараёнида ходимларнинг коррупцияга қарши курашиш борасидаги фикр-мулоҳазалари тингланиб, амалий таклифлари кўриб чиқилди.

➡️ Якунида коррупциянинг олдини олиш, очиқлик ва шаффофликни таъминлаш ҳамда ходимлар ўртасида ҳуқуқий онг ва маданиятни юксалтириш мақсадида мунтазам тарғибот-ташвиқот тадбирларини ташкил этиб бориш зарурлиги алоҳида таъкидланди.